Kamfanin dillancin labarai na Ahlul-Baiti {A.S} - ABNA : Jaridar Egypt daily ta kasar Masar ta nakalto kakakin majalisar Stephane Dujarric ya na fadawa ‘yan jarida kan cewa mutane a yankin Tigray su na mutuwa saboda karancin abinci da magunguna, sannan duk kokarin da majalisar tayi na isar da kayakin agaji zuwa yankin gwamnatin tsakiyar kasar ta Habasha ta hana.
Labarin ya kara da cewa har yanzun gwamnatin kasar ba ta bada wani bayani ko dalilin na ci gaba da tsare ma’aikatanta 9 da kuma direbibo 70 wadanda majalisar ta dauka don kai kayakin agaji zuwa yankin na Tigray ba.
Har’ila yau shugaban kungiyar lafiya ta duniya (WHO) Tedros Adhanom Ghebreyesus ya bayyanawa ‘yan jaridu a birnin Geneva Helkwatan hukumar kan cewa ana fama da karancin magunguna mai tsanani a yankin na Tigray amma har yanzun babu damar shiga yankin.
A wani labarin kuma saketarin harkokin wajen kasar Amurka Antony Blinken yay i kira ga bangarorin da suke rigima a tsakaninsu a kasar na Habasha da su zauna kan teburin tattaunawa don kawo karshen halin da ake ciki a yankin na Tigray.
342/
